He kākano i ruia mai i Rangiatea!
Nō ngā rangi tūhāhā te wairua o te tangata.
E ngā maunga whakahī, e ngā wai tapu, e ngā mana, e ngā reo o ngā hau e whā, tēnā koutou, tēnā koutou, tēnā koutou katoa!
Ko Hikurangi, ko Puketapu ngā maunga.
Ko Waiapu, ko Te Ārai ngā awa.
Ko Putaanga, ko Whakatō ngā marae.
Ko Putaanga, ko Ngāti Maru ngā hapu.
Ko Ngāti Porou, ko Rongowhakaata ngā iwi.
 |
| Tōku Whānau |
 |
| Ko aku tamahine, ko Te Kairangi Hinewaiapu rāua ko Whitireia Hukarere Paki. |
 |
| Ko māua ko taku ropa, ko Tahu Paki. Nō Ngāti Maniapoto ia.
He rangitaki tēnei e pā ana ki aku mahi tumuaki i roto i Te Kura Kaupapa Māori o Te Kura Whakapūmau I Te Reo Tūturu ki Waitaha! Āe, kua hoki mai ahau ki taku kura i poipoi i ahau i te wā i timata mai ahau i aku mahi pouako. Heoi anō, ka mihi hoki ahau ki taku kura o Te Kura Kaupapa Māori o Tuia Te Matangi, ā, kei Te Tau Ihu o Te Waka ā Māui, tēnei kura.
Nōku hoki te whiwhi i riro i au te turanga tumuaki mō tēnei kura hōu rawa atu! Ā, ka pahure te whā tau ka tau te koingo i roto i au ki te hoki mai ki te ūkaipo o tōku whānau, ā, ki Ōtautahi. Ka waimarie anō ahau ki te whai mahi hei tumuaki ki Te Kura Whakapūmau I Te Reo Tūturu ki Waitaha!
Na reira HE RANGITAKI e pā ana ki aku mahi ki Te Kura Whakapūmau! He nui ngā āhuatanga, ngā take kua puta i roto i ngā tau e whā, ā, ko ngā raruraru hoki o te rū whenua e pēhi tonu nei i te hapori o tēnei kura! Ahakoa ērā raruraru o te wā, o mua hoki, ka kite atu koutou i te huarahi e whai ana mātou te whānau o Te Kura Whakapūmau!
NGĀ OPE TAUĀ
He kaupapa e tītī ana ki te whatumanawa o ngā ākonga katoa o Te Kura Whakapūmau! Ā, ko o rātou nei whare noho ēnei mō te roanga o te wā ka noho ratou ki te kura.
E 8 tau pea te roa e whakahaere ana mātou i tēnei punaha whakatēnātēnā te tamaiti i roto i ngā mahi o te kura me tōna whanonga i roto i te kura.
Ānei ngā OPE TAUĀ O TE TAU 2016!
|
No comments:
Post a Comment